Modesto Fraga e Paulino Pereiro, premios do XLI Certame Literario de Vilalba
O acto de publicidade ao fallo do xurado, tamén serviu para presentar as obras gañadoras da pasada edición do certame editadas por Alvarellos.
Modesto Fraga e Paulino Pereiro fanse cos premios do XLI Certame Literario convocado polo Concello de Vilalba. Así o recolle a acta do xurado que sinala como obra gañadora do primeiro premio ao poemario “Adagio por outono” presentado baixo o lema “Giacomo da Lentini” e do segundo premio a “Poemas de ruxido e barruzo” presentado co lema “Barruzo”.